Атырдьах ыйын 18 күнүгэр Анаабыр оройуонун сиригэр-уотугар быһылаан таҕыста. Чаҕылҕан күүстээх охсуутун түмүгэр аһаҕас сиргэ аһыы сылдьар 12 таба өллө. Бу туһунан «Анаабыр уоттара» хаһыат иһитиннэрэр.
Үрүҥ-Хайа сэлиэнньэтин ветеринариятын бэрэстэбиитэлин иһитиннэриитинэн, быһылаан Илья Спиридонов аатынан МУТ бас билэр 8 №- дээх табаһыт ыстаадатыгар буолла. Ыстаада биригэдьииринэн Степан Туприн буолар.
Таба иитэр хаһаайыстыбаҕа улахан охсуулаах быһылаан таҕыста. Хотугу эргимтэҕэ итинник түбэлтэ олус сэдэх буолар эрээри, этиҥ кэмигэр чаҕылҕан охсуута аһаҕас туундараҕа баар табаларга улахан кутталы үөскэтэр.
