Дьыл бу кэмигэр тыа сирин олохтоохторо сыл тахсар идэhэлэрин өлөрөн кыhыҥҥы астарын-үөллэрин тэринэллэр. Бу күннэргэ “Амма“ тыа хаhаайыстыбатын потребительскай кэпэрэтиибэ Табалаах сүөһүнү тутар комплексыгар идэһэ өлөрүүтүн түмүктээтэ диэн НВК Саха телеграм-ханаал суруйар.
Сэтинньи ыйтан саҕалаан «Амма» тыа хаhаайыстыбатын потребительскай кэпэрэтиипэ нэhилиэнньэттэн уонна хаһаайыстыбалартан 600-тэн тахса идэhэ сүөһүнү тутта. Бу күннэргэ үлэһиттэр маассабай идэһэ өлөрүүтүн түмүктээн туттардылар. Быйыл сүөһүлэр туруктара үчүгэй буолан эт хаачыстыбата да куһагана суох диэн бэлиэтииллэр.
