Улуу добдурҕа кэмэ. Сир дөйө тоҥор. Хаар чараас буолан тыа дьонугар кэлии-барыы, айан-сырыы, тиэйии-таһыы үлэтэ элбиир, суруйда @chokhoon.
Дьиктитэ диэн, күн-дьыл халандаарыгар, кыһыҥҥы ыйдары — алтынньыттан саҕалаан олунньуга диэри, ахсаан ааты батыһыннаран ааттаабыттар. Халандаар кэрдииһин уларытыы иннинэ алтынньы ахсыс ыйынан сылдьыбыт эбит, билигин онус ыйынан буолар.
Сир шарын соҕуруу өттүгэр саас, хотугу полушариеҕа кыстыкка киирии үлэтин үгэнэ. Алтынньы 14 күнүттэн — Бокуруоптан кыһыҥҥы күн ааҕыллар. Кыһыммыт саҕаланар.
Муус өссө да чараас, ол эрээри былыргы ыаллар түннүк мууһун ылаллара. Кыра, эрдэ тоҥмут уулаах күөллэргэ муҥха саҕаланар. Булчуттар тыаҕа тахсаары бэринэр-тэринэр кэмнэрэ.
Ыйдары билиэххэ диэн ыйдар сахалыы ааттарынан таҥыллыбыт ырыалаах анимацияны кыра оҕолорго көрдөрүҥ, дьыл кэмнэрин үөрэтиҥ.
