Дьокуускайтан Чокурдаахха сөмөлүөтүнэн хортуоппуй уонна оҕуруот аһа тириэрдилиннэ. Салгыы Бэрэлээххэ уонна Дьүкээгиргэ илдьиллэр.
«Якутоптторг» тэрилтэ оҕуруот аһын «Хаарчаана» маҕаһыыныгар тутта. Тэрилтэ бэрэстэбиитэллэрэ иһитиннэрбиттэринэн, өссө үс рейс былааннанар, алтынньы 7 уонна 8 күннэригэр.
Оленегорскайга 4,4 туонна, Чкаловка — 2,1 туонна тириэрдиллиэхтээх.
2022 сыл бүтүөр диэри Чокурдаахха биэс чартернай рейс ыытыллар. Социальнай суолталаах 22,5 туонна араас бородуукта тириэрдиллэр, Арктика министиэристибэтэ иһитиннэрдэ.
