7 Алтынньы 07.10
  • -4°
  • $ 60,25
  • 58,24

Алексей Венглинскай Горнай улууһугар, барыллаан көрүүнэн, ойуур уота быйыл турбатын эттэ

Саха сиригэр ойуур хаһаайыстыбатын федеральнайдааҕы агентствотын салайааччытын солбуйааччы Алексей Венглинскай оробуочай сырыытын кэмигэр Горнайга сырытта. Манна минерализованнай балаһалары оҥорууну уонна нэһилиэнньэлээх пууну ойуур баһаарыттан харыстааһыҥҥа үлэ хаамыытын көрдө, суруйар СИА.

Алексей Венглинскай Горнай улууһугар Бэрдьигэстээххэ уонна Бэс Күөлгэ сырытта. Ыытыллыбыт үлэлэри баһылык Никита Андреев иһитиннэрдэ.

Бу күннэргэ судаарыстыбаннай баһаарынай кэтээн көрөр тэрилтэ бэрэбиэркэ ыытар. Онно биллибитинэн, тоҕус нэһилиэнньэлээх пуунтан Бэрдьигэстээххэ, Аһымаҕа уонна Бэс Күөлүгэр кэһиилэр бааллара бэлиэтэннэ. Билигин ону туоратыыга үлэ барар, бэс ыйын 20 күнүгэр диэри бүтүөхтээх.

Оройуон баһылыга эппитинэн, быйыл улуус баһаар сезонугар үчүгэйдик бэлэмнэннэ. «Якутлесресурс» уонна «Авиалесохрана» тэрилтэлэринэн күүс уонна техника бэлэм. Эбии үбүлээһин көрүлүннэ, онно ойуур уотун умуруорууга үлэһиттэр, техника ылылынна.

«Үчүгэй бэлэмнэнии үлэтэ барбыт, ити эрээри бэлиэтээһиннэр бааллар. Хаппыт оту уонна горельниктары суох оҥорууну тэрийиигэ докумуоннар сиппэтэхтэр. Экология министиэристибэтин кытта үлэ барыахтаах манна. Үбүлээһин көрөн, бу үлэни атырдьах ыйыгар — балаҕан ыйыгар бүтэрэрдии тэриниэххэ наада. Быйыл манна, барыллаан көрүүнэн, баһаар буолуо суохтаах. Хаппыт от суох. Кэлэр сыл баһаарын сезонугар бэлэмнэниэххэ наада», —диэтэ Алексей Венглинскай.

Следите за самым важным и интересным в Telegram-канале и WhatsApp-группе ЯСИА
0
0