«2025 сыллааҕы бюджет боростуойа суох. Бары социальнай эбэһээтилистибэлэри хааллардыбыт: хамнас, босуобуйа төлөбүрэ, өрөспүүбүлүкэ олохтоохторугар мэктиэлэри. Бюджет эйгэтин үлэһиттэригэр хамнастарын былааннаммыт бэрээдэгинэн улаатыннарар кыах билигин суох. Бырабыыталыстыбаны кытта чуолкай дуогабардаахпыт: бюджеты улаатыннарыы өттүгэр кыах үөскээтэ даҕаны, бастакынан хамнаһы үрдэтиигэ болҕомто уурабыт», – диэтэ Алексей Еремеев.
Бюджет ылыныыга депутаттар бары кэриэтэ саҥа социальнай эбийиэктэри тутууга инвестицияттан аккаастаннылар.
Маны сэргэ, коммунальнай комплекска субсидияҕа ороскуот эмискэ улаатыытын кыһалҕатын көрүстүбүт. Эрдэ бу хайысхаҕа 15 — 20 млрд солк тыырар эбит буоллахха, 2025 сылга бу сыыппара 50 млрд солк чугаһаата», – диэтэ спикер.
Уопсайынан регион 2025 сыллааҕы бюджетын Алексей Еремеев «сбалансированнай уонна структурированнай» диэн сыаналаата.
