Фотожурналист, уруккута Россия айылҕа саппааһын министиэристибэтин солбуйааччы миниистирэ Александр Деркач Саха сирин юкагирдарын олохторун-дьаһахтарын туһунан киинэ устар. Бу туһунан СИА бырабыыталыстыба Instagram-ҥа анал сирэйигэр биллэриигэ сигэнэн иһитиннэрэр.
Александр Деркач Саха сирин юкагирдарын туһунан киинэ устар. Устар бөлөх от ыйын 19 күнүгэр Үөһээ Халыма улууһугар барбыт. Манна 10 күн устата юкагирдар олохторун-дьаһахтарын, үгэстэрин, култуураларын устуохтара. Бөлөх биир күн Ярославскай аатынан түмэлгэ үлэлээбитэ.
Фотожурналиһы кытары култуура миниистирэ Юрий Куприянов көрсүбүт.
