Саха сирин Ил Дархана Айсен Николаев бүгүн, ыам ыйын 29 күнүгэр, дойду бэрэсидьиэнэ Владимир Путины кытта көрүстэ. Көрсүһүү кэнниттэн кини санаатын Телеграмм-ханаалыгар үллэһиннэ:
— Владимир Владимировичка өрөспүүбүлүкэ олоҕун, бүтэһик сылларга биһиги ситиһиилэрбитин уонна көрдөрүүлэрбитин кэпсээтим. Биһиги экэниэмикэҕэ саҥа рекордары көрдөрдүбүт, оскуолалары, балыыһалары туттубут, суоллары, муосталары оҥордубут, дьон саҥа дьиэлэнэр, оҕо төрөөһүнэ үрдүүр. Манан киэн туттабыт.
Владимир Владимирович биһиги үлэбитин үрдүктүк сыаналаата. Мин киллэрбит этиилэрбинэн РФ Бырабыыталыстыбатыгар сорудахтар бэриллиэхтэрэ. Бу биһиэхэ көннөрү бырайыактар эрэ буолбатах, бу — хас биирдии киһи олоҕо уонна сарсыҥҥы күҥҥэ эрэллээх буолуу.
Саха сирин бары олохтоохторун аатыттан биһигини куруук өйүүрүн иһин Арассыыйа Бэрэсидьиэнигэр махтанным. Өрөспүүбүлүкэбит, дьон олоҕо сайдарын туһугар маннык курдук салгыы өссө күүскэ үлэлиэхпит.
Источник: «Саха сирэ» сайт
