«Үтүө санаа харыйата» аһымал аахсыйаҕа Айсен Николаев сылын аайы кыттар, дьаһал аан бастаан 2015 сыллаахха буолбута.
«Үтүө үгэс, аахсыйа тохсус сылын ыытыллар. Тэрээһини мин өйүүр иэһим дии саныыбын. Оҕолорбутун үөрдүөхпүтүн наада. Быйыл кыыстаах уол оҕоҕо бэлэх ыллым, сөбүлүөхтэрэ диэн эрэнэбин. Бу күннэргэ чугас дьоҥҥутугар, аймахтаргытыгар бэлэх ыла сылдьан, төһө кыах баарынан «Үтүө санаа Харыйатыгар» кыттыһыҥ диэн ыҥырабын, саҥа дьыллааҕы эриэккэс кэми оҕо барыта биллин», —диэтэ регион салайааччыта.
Хаартыска: Андрей Сорокин, ЯСИА
Аахсыйа ахсынньы 28 күнүгэр диэри ыытыллар. Улуустарга барытыгар маннык харыйа туруорулунна. Дьокуускайга «Бубль Гум» Кальвица уонна Дзержинскай уулуссаларыгар баар маҕаһыыннарыгар үлэлииллэр.
Аахсыйаҕа ким баҕарар кыттыан сөп.
