Ил Дархан Айсен Николаев Москваҕа оробуочай сырыытын кэмигэр «Север» эрэгийиэннэр икки ардыларынааҕы научнай-үөрэтэр киин үлэтин түмүктэрин таһаарда.
«Ааспыт сылга «Север» киин улахан үлэни оҥорбута. Биһиэхэ индустриальнай партнердарбыт ахсааннара элбээтэ. Ол курдук университеттар, научнай институттар биһигини кытта үлэлэһэллэр. Научнай-үөрэтэр кииммит флагманынан ХИФУ уонна Бауман аатынан Москватааҕы судаарыстыбаннай университет буолаллар. Саамай сүрүнэ, научнай арыйыыларга дьиҥ үлэ түмүктэрэ бааллар», – диэн бэлиэтээн эттэ Ил Дархан.
Көрсүһүү кэмигэр «Север» киин бырайыактыыр офиһын салайааччы Евгений Колганов М.К Аммосов аатынан Хотугулуу-Илиҥҥи федеральнай университет уонна Саха сиринээҕи наука академиятын көхтөөх үлэлэрин бэлиэтээтэ. Ол курдук, Саха сирэ тус сыаллаах кылаатын киллэриигэ көрдөрүүтэ үчүгэйэ этилиннэ, суруда Саха сирэ саайт.
РФ Бэрэсидьиэнэ Владимир Путин сорудаҕынан, «Наука уонна университеттар» национальнай бырайыак чэрчитинэн, Арассыыйаҕа 15 научнай-үөрэтэр киин тэриллибитэ. Сиһилии https://sakha.gov.ru/news/front/view/id/3393749
«Север» киин 23 научнай тэрилтэлэри, 13 университеты, 32 хампаанньаны түмэр.
