Саха сириттэн тоҕус анал байыаннай дьайыы байыаһа Россия Геройа үрдүк ааты ылла. Ил Дархан Айсен Николаев «Прямой разговор» телебиэрии кэмигэр Саха сирин буойуннарынан киэн туттарын эттэ.
«Мин киэн туттабын Саха сирэ тоҕус Россия Геройдааҕынан. Бөдөҥ байыаннай чаас суох регионугар бу патриотизмҥа сүдү көрдөрүү уонна Саха сирин эр хоһууннарын көрдөрүүтэ. Биһиги геройдарбыт араастар, ити эрээри кинилэри төрөөбүт дойдуга улахан таптал ситимниир», — диэтэ регион салайааччыта.
«Билигин төрөөбүт дойду иһин, эйэлээх олоҕу, суверенитеты туруулаһа сылдьар биһиги уолаттарбыт — геройдар. Биһиги кинилэринэн киэн туттабыт, өйүүбүт уонна өйүөхпүт даҕаны. Биһиги биир баҕа санаалаахпыт — кыайыы түргэнник буоларыгар, биһиги уолаттарбыт тыыннаах уонна доруобай дойдуларыгар төннөллөрүгэр», — диэтэ Айсен Николаев.
