««Муус Устар» бэстибээл сүрүн ситиһиитэ диэн, биэс сыл иһигэр өрөспүүбүлүкэ ыччатын сүрүн бэстибээлинэн буолла, дойду таһымыгар таҕыста. Президент «Муус Устары» Саха сирин ыччатын олоҕор чиҥник киирбит тэрээһининэн сыаналыыр. Быйылгы бэстибээл Кыайыы 80 сылыгар, Россияҕа Аҕа дойдуну, Саха сиригэр Ийэ дойдуну көмүскээччилэр сылларыгар ыытылларынан уратылаах, олус дириҥ суолталаах. Бу былаһааккаларга көрүллүбүт боппуруостарга, бэстибээлгэ ыччат сыһыаныгар ырылхайдык көһүннэ», — диэтэ Айсен Николаев.
Хаартыска: Андрей Сорокин, ЯСИА
«Патриотизмы кытта сибээстээхтэр, национальнай үгэстэри харыстааһыҥҥа, гастрономияҕа, архитектураҕа сыһыаннаахтар бааллар. Ыччат бырайыактара эһиил оройуоннарга олоххо киириэхтэрэ. Ол буолар бэстибээл ситиһиитэ», — диэтэ кини.
Бэстибээлгэ 12 трек уонна 23 куонкурус ыытылынна, ол иһигэр уона — саҥалар.
