27 Тохсунньу 27.01
  • -46°
  • $ 69,13
  • 75,33

Айсен Николаев аһаҕас уонна кырдьыктаах быыбардар буолбуттарын бэлиэтээтэ

Читайте нас на
Яндекс Новости
ЯДВ

Саха сиригэр муниципальнай быыбардар түмүктэннилэр. 484 быыбар хампаанньата 32 оройуоҥҥа буолла. Ил Дархана Айсен Николаев бэйэтин телеграм-ханаалыгар, аһаҕас уонна кырдьыктаах быыбардар буолбуттарын бэлиэтээтэ, өрөспүүбүлүкэ олохтоохторугар гражданскай иэстэрин толорууга эппиэтинэстээхтик сыһыаннаспыттарыгар махтанна.

Саха сиригэр тоҕус улуус баһылыга, 189 куорат уонна нэһилиэк баһылыга, ол иһигэр 13 административнай киин баһылыктара быыбарданнылар.

Алта оройуоҥҥа депутаттар Сэбиэттэрин быыбара буолла, 273 куорат уонна нэһилиэк бэрэстэбиитэллээх уоргана.

«Быыбардаммыт баһылыктары уонна депутаттары эҕэрдэлиибин! Өрөспүүбүлүкэ сайдыытыгар улахан соруктар тураллар, быыбарга кыайыы диэн — бу норуот итэҕэлин таһынан, улахан эппиэтинэс. Саха сирин сайдыытыгар бииргэ үлэлиэхпит диэн эрэнэбин!» — диэн суруйда Айсен Николаев телеграм-ханаалыгар.

Талыллыбыт улуус баһылыктара:

Үөһээ Бүлүү — Владимир Поскачин

Бүлүү — Сергей Винокуров

Ньурба — Алексей Иннокентьев

Мэҥэ Хаҥалас — Дмитрий Тихонов

Томпо — Яков Степанов

Дьааҥы — Владислав Иванов

Ленскэй — Жумарт Абильманов

Абый — Владимир Новиков

Орто Халыма — Иван Лаптев.

Следите за самым важным и интересным в Telegram-канале и WhatsApp-группе ЯСИА
0
0