Санкциянан мөрөйдөөһүн уонна анал байыаннай дьаһал ыытыллар кэмигэр Саха сирэ үлэ түмүктээх буоларыгар күүһүн-кыаҕын түмүөхтээх. Ол туһунан пресс-конференцияҕа 2023 сылы «Үлэ сылынан» биллэриллибитин туһунан ыйытыыга хоруйугар Айсен Николаев.
«Бүгүн үлэ боппуруостара олус суолталаахтар. Санкциянан мөрөйдөөһүн уонна анал байыаннай дьаһал ыытыллар кэмигэр биһиги улаханы уонна бастыҥы ситиһиэхтээхпит», — диэтэ регион баһылыга.
Айсен Николаев эппитинэн, үүнэр сылга үлэ боппуруостара, кадры бэлэмнээһин бастакы миэстэҕэ туруохтаахтар.
«Биһиги хас биирдии киһи сөбүлүүр дьыалатынан дьарыктанарын оҥоруохтаахпыт», – диэтэ Айсен Николаев. Кини Саха сирин тэрилтэлэригэр өрөспүүбүлүкэтээҕи үөрэх бырагыраамаларынан элбэх эдэр киһи үлэнэн хабыллар буолбутун эттэ.
Баһылык аҥардас АЛРОСА 2023 сылга 1500 саҥа үлэ миэстэтин таһаарыа диэтэ. «Бу олохтоох дьон буолалларыгар биһиги интэриэстээхпит», – диэтэ кини.
Хаартыска: Андрей Сорокин / СИА
