29 Бэс ыйа 29.06
  • -7°
  • $ 104,68
  • 115,6

«Агростартап»: Саха сирин фермердара бизнес-былааннарын көмүскээтилэр

Саха сирин фермердара агрогрант ылыытыгар бизнес-былааннарын көмүскээтилэр. Икки күн устата тыа хаһаайыстыбатын министиэристибэтин мунньахтыыр саалатыгар хамыыһыйа 125 үлэни иһиттэ. Суола-ииһэ суох, ыраах нэһилиэктэр онлайн киэбинэн холбонон кэпсээтилэр.

«Агростартапка» кыттыы икки түһүмэҕинэн ыытылынна. Быйыл куонкуруска кыттыыга 158 сайаапка киирбититтэн, 33-һэ бэрээдэк ирдэбиллэригэр эппиэттээбэттэринэн, бастакы түһүмэх түмүгүнэн, туоратыллыбыттар. Онон иккис түһүмэххэ  тыа сиригэр олорор, үлэлиир 125 киһи кытынна. Презентациялары көмүскээһин бэҕэһээ хойут түмүктэннэ.

Интэриэһинэй үлэлэр бааллар. Сылгы, сүөһү иитэн, дохуот киллэриитэ, коза, көтөр ферматын тэрийэр олус көдьүүстээҕин, оту үүннэрии, дикорос тиэмэлэригэр саҥа көрүүлэр бааллара бэлиэтэннэ.

Быйыл хоту улуустартан кыттааччы элбэҕэ этилиннэ.

Түмүк аны 3-4 хонугунан тахсара күүтүллэр.

Быйылгы Грант уопсай суумата 59,8 мөл солк, ол иһигэр 33 мөл солк федеральнай бюджеттан.

Бырагыраама региоҥҥа 2019 сылтан үлэлиир. Үс сылга бааһынай хаһаайыстыбаны тэриниигэ судаарыстыбаннай өйөбүлү 113 фермер ылбыт.

Куонкурус «Малое и среднее предпринимательство и поддержка индивидуальной предпринимательской инициативы» национальнай бырайыак чэрчитинэн ыытыллар уонна тыа сиригэр агробизнеһи тэринэн, дохуот аахсар, үлэ миэстэтин таһаарар, материальнай баазаны бөҕөргөтөр сыаллардаах ыытыллар.

Следите за самым важным и интересным в Telegram-канале и WhatsApp-группе ЯСИА
0
0