3 От ыйа 03.07
  • -7°
  • $ 104,68
  • 115,6

Абыйдар Муома хаһаайыстыбаларыгар 62 туонна оту тириэртилэр

Кыһыҥҥы суолунан хоту улуустарга от тиэллэр. Индигир эбэнэн Абый улууһуттан Муомаҕа 62 т от тириэрдилиннэ. 

Муома улууһун тыатын хаһаайыстыбатын управлениетын кылаабынай зоотехнига М.Д. Терехова иһитиннэрбитинэн, ааспыт сайын оттооһун былаана 75% эрэ туолбут. Онон сорох хаһаайыстыбалар сайаапкаларынан Абыйтан от тиэйтэрэргэ дуогабар түһэрсиллибит.

— Билиҥҥи туругунан 62 т от тиэйилиннэ. Хонууга — 17 т, Соболооххо — 9 т уонна Улахан-Чыыстай нэһилиэгэр 36 т хаһаайыстыбаларга сүөкэннэ. Онон дьылы этэҥҥэ туоруур инибит диэн санаа бөҕөх буолла, — диир кини.

Муомалар оту тиэйтэриигэ үлэлэспит Абый нэһилиэгин дьаһалтатын тыатын хаһаайыстыбатын салаатыгар уонна суоппардарга махталларын биллэрэллэр, суруйда Валентина Старостина, «Индигир уоттара» хаһыат, Муома улууһа.

Следите за самым важным и интересным в Telegram-канале и WhatsApp-группе ЯСИА
0
0