Атырдьах ыйын 7-8 күннэригэр аҕыйах ахсааннаах төрүт омуктар ыччаттарын VI-с форума онлайн барыа. Мунньахха дойду 14 регионуттан бэрэстэбиитэллэр кытталлара сабаҕаланар. Бу туһунан “Илкэн” хаһыат суруйар.
«Сылын аайы мунньах кыттыылаахтарын географията кэҥээн иһэр. Былаан быһыытынан кыттааччылар Дьокуускайга кэлиэхтээхтэр этэ, ол эрэн коронавирус дьаҥа туран, көрсүһүү интернет көмөтүнэн барар буолла», — дииллэр тэрийээччилэр.
Мунньаҕы аҕыйах ахсааннаах төрүт омуктар ыччаттарын Сэбиэтэ тэрийэр. Сугулаан хоту дойду аҕыйах ахсааннаах төрүт омуктарын Ассоциацияларын 30 сыллаах үбүлүөйүгэр, Олохтоох омуктар аан дойдутааҕы күннэригэр ананыа.
This post was published on 05.08.2020 16:01 16:01