Түһүмэхтэрэ: бэйэни билиһиннэрии, бэрэбинэни эрбээһин, оттук мас бэлэмнээһинэ, ойбону бэлэмнээһин, остуолбаҕа хатаастыы, кулуһун уот оттуута, онно чэй өргутуута уонна булт биатлона.
Кыайыылаахтар уонна призердар дипломнарынан уонна сыаналаах бириистэринэн наҕараадаланыахтара. Икки бастыҥ хамаанда регионнааҕы түһүмэххэб кыттыаҕа.
Өрөспүүбүлүкэтээҕи күрэхтэһии Дьокуускайга кулун тутар 29 уонна 30 күннэригэр ыытыллаллар.
Тэрийээччилэр — куорат дьаһалтатын уопсастыбаннай сибээскэ уонна ыччат бэлиитикэтин управлениета, физическай культура уонна спорт управлениета, культура уонна духуобунай сайдыы управлениета, куорат аҕаларын сүбэтэ.
«Аҕа күрэҕэ» дьиэ кэргэн сыаннастарын көҕүлүүр, үйэлээх үгэстэргэ үөрэтэр, дьиэ кэргэҥҥэ аҕа суолтатын, уолаттарын иитиигэ оруолун үрдэтэр, чөл олоҕу пропагандалыыр, уопсастыбаҕа аҕа оруолун көрдөрөр. Хамаанда икки киһиттэн турар – аҕа уонна 14 — 16 саастаах уол оҕото.
