Биэдэмистибэҕэ XXV өрөспүүбүлүкэтээҕи «Аҕа күрэҕэ» күрэхтэһии туһунан мунньах буолла. Миниистир Елена Волкова эппитинэн, маннык тэрээһини ыытарга баҕалаах улуус дьаһалтата элбэх.
«Аҕа күрэҕэ — 2025» Дьокуускйга тыһыынча кэриҥэ киһи кыттыыны ылла. Кыайыы туһугар 19 хамаанда 17 муниципальнай тэриллииттэн уона куорат уокуругуттан илин-кэлин түһүстэ. 18 хамаанда түөрт уонна онтон элбэх оҕолоох дьиэ кэргэттэр буолаллара билиннэ. Икки ыалга — Өлөөнтөн Боягирдарга уонна Сунтаартан Корниловтарга — аҕыстыы оҕо иитиллэр.
