Күнү-дьылы кэтээн көрөөччүлэр бэлиэтииллэринэн, Дьокуускайга олус сылаас алтынньы ый ааспыт. Ый былаһын тухары, ортотунан -2,9 кыраадыс турбут, бу нуорматтан 5 кыраадыс үрдүк көрдөрүү буолар. Ол туһунан ТАСС агентствотыгар СӨ күнү-дьылы уонна тулалыыр эйгэни кэтээн көрүү сулууспатын салайааччыта Татьяна Маршалик биллэрбит.
“Дьокуускайга алтынньы ый орто температурата -2,9 кыраадыска турбут. Ол түмүгэр 2021 сыл алтынньытын сылааһа күнү-дьылы кэтиир сулууспа историятыгар иккис миэстэни ылбыт. Бастакы миэстэҕэ 1947 сыл алтынньыта икки дэһээтэйинэн иннин биэрбэтэ”, -диэн Маршалик бэлиэтээтэ.
«Нуорматтан хадьайар сылаас күн-дьыл турарыгар ордук циклон оруолу оонньоото. Алтынньыны быһа, икки ыйдааҕы нуорматтан кыранан эрэ намыһах сөҥүү түстэ эрээри, хаар халыҥа 9 эрэ см. Аһары сылаас салгын туран, түспүт хаар тутатына ууллан истэ«, — диэн Татьяна Маршалик чопчулаата.
