Атырдьах ыйын 6 күнүнээҕи туругунан, Тыа хаһаайыстыбатын уонна ас-үөл бэлиитикэтин министиэристибэтин чахчытынан, өрөспүүбүлүкэ үрдүнэн 37 423 туонна үүт соҕотуопкаланна. Бу – сыллааҕы былаан 60 %-а, былырыын баччаларга 35 584 туонна үүт соҕотуопкаламмыта, суруйда Саха парламент саайт.
Быйыл өрөспүүбүлүкэҕэ 62 777 туонна үүтү соҕотуопкалыыр сорук турар. Бу сыалга 4 млрд 308 мөл. солк көрүллүбүтүттэн 2 млрд 311 мөл. солкуобай, ол эбэтэр көрүллүбүт харчы 54 %-а, улуустарга тиэрдиллэн турар.
Биирдиилээн улуустарынан ылан көрдөххө, Сунтаар улууһа 4 555, Мэҥэ Хаҥалас улууһа 4 393, Хаҥалас улууһа 3 127, Амма улууһа 3 016, Чурапчы улууһа 3 341, Бүлүү улууһа 2 507 туоннаны тутан астаан, инники күөҥҥэ иһэллэр.
