Трутнев эппитинэн, Уһук Илиҥҥэ судаарыстыбаннай өйөбүл миэрэлэрин туһанан 2,9 тыһыынчаттан тахса инвестиционнай бырайыак үлэлиир, уопсай иэнэ 10 трлн солк тахса. Онон Уһук Илин экономикатыгар 5,1 трлн солк чааһынай инвестициялартан киирдэ.
«2030 сылга бу көрдөрүү 12 трлн солк буолуоҕа. Оннук соругу РФ президенэ Владимир Владимирович Путин туруорда», – диэтэ Трутнев.
Уһук Илин экономикатыгар 10 сылга 20 трлн солк угулунна. 2024 сыл түмүгүнэн Уһук Илин уокурук регионнарын сүрүн капиталларыгар холбоһуктаах инвестиция иэнэ 3,9 трлн солк, бу РФ сүрүн капиталыгар киирэр инвестиция 10% ылар. Үрдээһин, ааспыт сылы кытта тэҥнээтэххэ, 6%.
Сиһилии https://ysia.ru/okolo-3000-investproektov-realizuyutsya-na-dalnem-vostoke/
