Ыччаты билимҥэ сыһыарыыга, иитиигэ Билим академията дьоһун суолталааҕын этэн туран, билим үлэһиттэрин бу хайысхаҕа үлэлэһэллэригэр регион баһылыга ыҥырда.
Айсен Николаев 2024 сыллаахха туруктаахтык сайдар бөлөххө киирбит “Хоту сир – туруктаах сайдыы сирэ” НОЦ атаҕар турарыгар Билим академиятын оруола улаханын бэлиэтээтэ.
Ил Дархан бүгүн бырагыраама чэрчитинэн 50-тан тахса технологическай быһаарыы оҥоһуллубутугар болҕомтону уурда. Резиденнэргэ анаан 360 мөл. солк. тардыллыбыт. Билим управлениелара уонна индустриальнай партнердар бииргэ оҥорбут үлэлэрин бөдөҥ бырамыысыланнай хампаанньалар, судаарыстыбаннай тэрилтэлэр хайыы-үйэ туһаналлар.
Маны тэҥэ эрэгийиэн баһылыга бырабыыталыстыбаҕа эспиэрдиир арыаллааһыннарга билим үлэһиттэрин илдьэ сылдьалларын соруйда.
“Академия өрөспүүбүлүкэ социальнай-экэнэмиичэскэй сайдыытын наадалаах хайысхаларыгар билим, билим-тиэхиньиичэскэй, инновационнай үлэни ыытарга уопсастыбаннай сакааһы толорору хааччыйар”, — диэтэ Билим академиятын бэрэсидьиэнэ Леонид Владимиров.
СӨ Ил Дархан, бырабыыталыстыба пресс-сулууспата
