2024 сылга Дьокуускайга уонна куорат таһыгар 30 км тахса суолу өрөмүөннүөхтэрэ. Бу туһунан Саха сирин баһылыга Айсен Николаев ГТРК «Саха» «Россия 24» ханаалга «Прямой разговор» биэрии кэмигэр иһитиннэрдэ.
«Быйыл улахан үлэ ыытыллар, барыта болдьоҕор уонна хаачыстыбалаахтык оҥоһуллуо диэн эрэнэбин. Кэлэр сылга, былаан эмиэ балачча улахан. Куорат таһыгар уонна иһигэр 30-тан тахса км суолу оҥоруохтара», — диэтэ Айсен Николаев. Саха сирин аҕа баһылыга этэринэн, Сэбиэскэй Армия 50 сыла уулуссаны өрөмүөннүүр бырайыак докумуонун бэлэмнии сылдьаллар.
Эһиил манна Кальвица уулуссатыттан Бабушкинаҕа диэри учаастакка үлэни ыытар былааннаахтар. Санатан эттэххэ, суолу түөрт балаһаҕа диэри кэҥэтиэхтэрэ.
