Горнай оройуонугар буолбут бырабыыталыстыба отчуотугар Тыа хаһаайыстыбатын министиэристибэтин былааннааһыҥҥа уонна судаарыстыбаннай бырагыраамаларга департамент салайааччыта Анастасия Колодезникова тус көрсүһүүлэри оҥордо.
Манна оттооһун, сири оҥоруу уонна сири кытта үлэҕэ ыйытыылар киирдилэр, суруйар «Саха сирэ» сайт.
Анастасия Колодезникова иһитиннэрбитинэн, быйыл сири таҥастааһыҥҥа судаарыстыбаннай бюджеттан көрүллэр үп кээмэйэ эбиллибит. Бу хайысханан дьарыктаныан баҕалаах киһи министиэристибэҕэ сайаапка түһэриэн наадата этилиннэ.
Быйыл окко мобильнай биригээдэлэри үлэлэтиигэ үбүлээһин былааннанна. Муниципалитеттар министиэристибэни кытта быһаччы үлэлиэхтэрин наада.
