Саха сирин Госавтоинспекциятын чахчыларынан, ааспыт өрөбүллэргэ, сэтинньи 14-16 күннэригэр, өрөспүүбүлүкэ сиригэр-уотугар 20 суол быһылаана регистрацияланна. Үс саахалга түөрт киһи эмсэҕэлээтэ.
Үлэһиттэр 861 административнай буруйу оҥорууну буллулар.
Административнай эппиэтинэскэ тардылыннылар:
Ирдэбилгэ сөп түбэспэт түннүк сабыылаах тырааныспары ыытыы 26 түбэлтэтэ.
11 суоппар итирик туруктаах массыынаны ыыппытын иһин тутулунна.
Биир суоппар итирик туруктаах хаттаан уруулга олордо, билигин холуобунай эппиэтинэскэ тардыллар.
9 суоппар айан суолун утары балаһатыгар таҕыста.
31 киһи суоппар дастабырыанньата суох тырааныспары ыытан тутулунна.
13 суоппар оҕону таһыы быраабылатын кэстэ.
Саха сирин госавтоинспекцията суол быраабылатын тутуһуу наадатын санатар уонна суоппардары суолга болҕомтолоох, эппиэтинэстээх буоларга ыҥырар.
