Алдан оройуонугар 16 саастаах уол массыынаттан харчыны уорууга уорбаланар. Бу туһунан СӨ ИДьМ пресс-сулууспата иһитиннэрэр.
Холуобунай ирдэбил үлэһиттэрэ буруйу оҥорууга кини кыттыгастааҕын суһал-ирдиир тэрээһиннэри ыытан быһаардылар. Бу уол уоруунан эрдэ сууттана сылдьыбыт эбит. Билигин кинини өссө хас даҕаны буруйу оҥорууга уорбалыыллар.
Барыллаан дааннайдарынан, уол хатамматах массыыналары кэрийэн, сыаналаах малы-салы, харчыны уорар эбит.
Полиция бу эдэр киһини суут биир ыйга кэтииригэр быһаарыныы ылынарыгар сөптөөх дакаастабылы хомуйда.
Саха сирэ
