80 сааһын туолбут 13 тыһыынчаттан тахса саха дьоно биэнсийэлэригэр эбии төлөбүрү ылыахтара диэн Арассыыйа Саха сиригэр биэнсийэҕэ пуондата СИА-ҕа иһитиннэрдэ.
Билигин эбии төлөбүр кээмэйэ 7220 солк. 74 харчыга тэҥнэһэр. Бу сууманы 80-рын туолбут дьоҥҥо икки төгүл үрдэтиэхтэрэ, онон биэнсийэ кээмэйэ 14 441 солк. 48 харчы буолуоҕа. Саха сиригэр маннык эбии төлөбүрү 13 480 биэнсийэлээхтэр ылаллар.
80 саастарын туолааччылар бэйэлэрэ тугу да эбии хомуйсаллара ситиһэллэрэ наадата суох – биэнсийэ пуондатын исписэлиистэрэ барытын ааҕан-суоттаан биэриэхтэрэ. 80 саастарын саҥа туолбуттарга төлөбүр аныгыскы ыйтан саҕалаан төлөнөр.
80 саастарын туолбуттарын иһин эбии төлөбүрү I группа инбэлииттэригэр көрүллүбэт, тоҕо диэтэххэ, кинилэр үрдэтиилээх биэнсийэни ыла сылдьаллар, иитээччилэрин сүтэрбиттэрин иһин биэнсийэлээхтэр эмиэ. (холобур, кэргэнэ бэйэтин кырдьаҕаһын иһин биэнсийэтин оннугар кэргэнэ өлбүтүнэн сибээстээн иитээччитин сүтэрбитин иһин биэнсийэ ылар буоллаҕына). Биэнсийэ тутар киһи иитиллээччилээх буоллаҕына төлөбүрүн кээмэйэ хас киһини иитэринэн үрдүүр «, — диэн биэнсийэ пуондатыгар чопчулаатылар.
