16 Олунньу 16.02
  • -28°
  • $ 90,31
  • 94,89

1,5 млрд тахса солк Саха сиринээҕи музыка үрдүкү оскуолатын тутуутугар биэриэхтэрэ

Читайте нас на
Яндекс Новости
ЯДВ
Россия президенэ Владимир Путин сорудаҕынан дойду бырабыыталыстыбата федеральнайдааҕы бюджеттан Саха сиринээҕи В.А. Босиков аатынан музыка үрдүкү оскуолатын тутуутун түмүктээһинин үбүлүөхтэрэ. Ол туһунан Ил Дархан Айсен Николаев телеграм-ханаалыгар суруйда.

Кини эппитинэн, кэлэр сылга бырайыакка 663 мөл тахса солк, 2026 сылга — 872 мөл тахса солк тыырыллыаҕа. Уопсайа 1,5 млрд солк.

«Бу култуураҕа инвестиция буоларын таһынан, Саха сирин талааннаах оҕолорун сайдыытыгар аныгылыы усулуобуйаны тэрийии буолар», — диэтэ Николаев.

Саҥа эбийиэк музыканы үөрэтии аныгылыы киинэ буолуоҕа, манна оҕолор кыахтарын арыйыахтара, комфортнай усулуобуйаҕа дьарыктаныахтара, ол туһунан Ил Дархан суруйда.

Санаттахха, бэс ыйыгар Россия президенэ Дьокуускайга музыка үрдүкү оскуолатыгар сылдьыбыта. Тэрилтэ ректора Надежда Зайкова судаарыстыба лидерин оробуочай сырыытын кэпсээбитэ.

Следите за самым важным и интересным в Telegram-канале и WhatsApp-группе ЯСИА