Дьокуускай куоракка бэс ыйын 23 — 30 күннэригэр буолар «Симфония добра» норуоттар ардыларынааҕы музыка толоруутун куонкурсун 60 кыайыылааҕа оркестр састаабыгар киириэҕэ. Кинилэр бэстибээл гала-кэнсиэригэр кыттыахтара.
«Симфоническай оркестры тэрийии музыка үөрэҕэр кылааты киллэрэрин таһынан, регионнар култуураларыгар бииргэ үлэлээһиҥҥэ Уһук Илин субъектарын, Россия Арктикатын зонатын уонна Азиатскай-Тихоокеанскай регион дойдуларын сибээстэрин бөҕөргөтүөҕэ», – диэтэ Айсен Николаев.
Оркестрга киирэллэр: струна (скрипка, альт, виолончель, контрабас), мас духовой (флейта, гобой, кларнет, фагот), тимир духовой (валторна, труба, тромбон), охсор музыкальнай инструменнар (литавр, кыра уонна улахан барабан, тарелкалар).
Санаттахха, 2024 сыл бэс ыйын 18 күнүгэр Владимир Путин музыка үрдүкү оскуолатыгар сылдьыбыта.
