Владимир Солодов Саха Өрөспүүбүлүкэтин бырабыыталыстыбатын бэрэссэдээтэлинэн дьиҥ таһымнаахтык ананна. Ил Түмэҥҥэ сөбүлэһиннэрии кэнниттэн маннык ыйаахха бүгүн Айсен Николаев баттаата.
Санатан эттэххэ, Ил Түмэн норуодунай дьокутааттара алтынньы 18 күнүгэр иккис пленарнай мунньахха өрөспүүбүлүкэ Ил Дархана Айсен Николаевка Саха сирин бырабыыталыстыбатын бэрэссэдээтэлин дуоһунаһыгар Владимир Солодовы аныырга сөбүлэҥнэрин биэрдилэр. 51 дьокутаат өйөөтө, 8 киһи утарда.
“Владимир Солодов киэҥ хабааннаахтык толкуйдуур, өрөспүүбүлүкэҕэ бара турар социальнай-экономическай процесстары дириҥник билэр, эппиэтинэстээх, ону кини бырабыыталыстыба бэрэссэдээтэлин эбээһинэһин толороругар көрдөрдө”, — диэтэ Айсен Николаев.
