Бүгүн өрөспүүбүлүкэ алтыс ыҥырыылаах парламенын бастакы пленарнай мунньаҕын иккис күнэ. Үлэ саҕаламмытынан норуот дьокутааттарын Валентина Матвиенко эҕэрдэлээтэ.
Пленарнай мунньах кэмигэр Арассыыйа Федерациятын Федеральнай Мунньаҕын Федерация Сэбиэтин бэрэссэдээтэлэ Валентина Матвиенко аатыттан телеграмманы аахтылар. Кини парламентарийдары талыллыбыттарынан эҕэрдэлээбит.
Ил Түмэн бастакы мунньаҕын түмүктэниитигэр талыллыбыт парламентарийдарга Саха сирин норуодунай дьокутаата буолалларын туоһулуур дастабырыанньалары уонна түөскэ кэтиллэр бэлиэни туттардылар.
