“Арассыыйа Накаастабылы толорууга федеральнай сулууспатын 25 №-дээх тутууга управлениета” ФГУП урукку дириэктэрэ 1 мөлүйүөн 20 тыһыынча солкуобайы бэрик ылыыга буруйданар. Силиэстийэ түмүктэнэн, дьыала суукка барда.
2015 с. буруйдаах киһи кэмиэрчэскэй тэрилтэлэри салайар икки киһиттэн Мархаҕа баар холуонньа инженернэй-техническэй тэриллэрин саҥардан оҥорууга хантыраак сууматыттан 10 бырыһыан кээмэйдээх бэриги көрдөөбүт.
“Салайааччылар кыһалҕаттан сөбүлэспиттэр”, — диэн силиэстийэлиир кэмитиэт релиһигэр этиллэр.
Харчыны расчетнай счекка киллэрбиттэр. Салайааччы буруйдаах киһи билэр киһитэ эбит. Коммерсант киирбит үбү уу харчыга уларыппыт уонна буруйдаахха биэрбит.
СИА.
