СӨ тыатын хаһаайыстыбатын уонна аска-үөлгэ политикатын министиэристибэтэ кулун тутар 28 күнүттэн муус устар 22 күнүгэр диэри бааһынай хаһаайыстыбалары тэрийиигэ, сайыннарыыга граны биэрии уонна үлэ усулуобуйатын тэриниигэ биир кэмнээх көмөҕө сайаапкалары хомуйар.
Куонкурус «2015-2017 сылларга Саха Өрөспүүбүлүкэтигэр саҥа саҕалыыр фермердэри өйөөһүн» регионнааҕы бырагыраама чэрчитинэн ыытыллар.
Куонкуруска киирбит сайаапкалары көрүү ыам ыйын саҕаланыытыгар ыытыллар. Манна 2014 сыллаахха СӨ Бырабыыталыстыбатын уурааҕынан бигэргэммит анал Бэрээдэгинэн уонна балаһыанньанан үлэ барыаҕа.
«РФ бырабыыталыстыбатын дьаһалынан 2016 сылга федеральнай бюджеттан саҥа саҕалыыр фермердэргэ граны биэриигэ 306 385 тыһ. солк., өрөспүүбүлүкэ бюджетыттан — 45 мөл. солк. көрүллэр», — диэн иһитиннэрэр министиэристибэ пресс-сулууспата.
