Дьокуускайга өрөспүүбүлүкэтээҕи отраслевой «Бизнес-Экспо» диэн быыстапка-дьаарбаҥка сылын аайы ыытыллар. Манна араас хайысхаттан урбаанньыттар: тыа хайаастыбатын бородууксуйатын дэлэтээччилэр, тус бэйэлэрэ оҥорон таһаарааччылар, өҥө араас көрүҥүн оҥорооччулар бэйэлэрин үлэлэрин көрдөрөллөр, атыылыыллар. Таатталар быйыл даҕаны бэркэ кытынныллар. 


Таатта улууһуттан «Бизнес-Эскпо» тэрээһиҥҥэ сыл аайы көхтөөх кыттыыны ылаллар. Ол курдук былырыыҥҥы быыстапкаҕа быһах оҥорооччу Яков   Данилов, Леонид  Васильев уонна СПК «Баай Ас» кыттыбыттара.

Быйыл улуустан бастыҥ тимир уустара, Сарыал Константинович Билюкин, Леонид Степанович Васильев, Яков Павлович Данилов уола Илья Данилов уонна мороженай оҥорор Петр Петрович Белолюбскай кытыннылар.

Леонид Васильев уонна Яков Данилов киин нөҥүө бырайыактары арыаллыыр (сопровождение проектов) бырагырааммаҕа киирэн, полиграфия, о.э. упаковка, баннер, форма, бейсболка о.д.а., босхо бизнес-былаан, субсидия грант куонкурустарыгар кытталларыгар көмө ылыахтара. Икки күннээх быыстапкаҕа  табаардарын хамаҕатык атыылаатылар. Даайа Амма хаһаайыстыбаларын үүтүттэн оҥоһуллубут мороженай быыстапка бастакы күнүгэр олоччу атыыланан бүппүтэ.  Араас маастар-кылаастарга, контактар биржаларыгар, «предпринимателлэри кытта сарсыардааҥҥы аһылык» хайысхаларынан кытыннылар, элбэҕи көрдүлэр-иһиттилэр.

Быыстапка түмүгүнэн «Бастыҥ ассортимент» диэн номинация хаһаайына Сарыал Билюкин буолла, дипломунан уонна уу харчынан наҕараадаланна.

Ааптар: Марианна МОСОРКИНА 

0
0
comments powered by HyperComments