«Сахаплемхолбоһук» тэрилтэ производственнай отдела анаан-минээн Сунтаарга тиийэн олохтоох осеменатордары үөрэттилэр.
Начальник Т.А. Протопопова, бэтэринээр В.П. Готовцева, техник-осеменатор М.С. Габышева Тойбохой, Кириэстээх, Элгээйи куусталарынан сылдьан осеменатордары үөрэттилэр, сүбэ-ама биэрдилэр.
«Улуус баһылыга Анатолий Григорьев кинилэри көрсөн, үлэ-хамнас туһунан кэпсэттилэр. Исписэлиистэр улууска сүөһү туруга үчүгэй диэн бэлиэтээтилэр, Үлэ Дьоруойун Владимир Михайловы көрсөн кэпсэттилэр, үлэҕэ бэриниилээҕин сөҕө-махтайа бэлиэтээтилэр», — диэн СИА-ҕа баһылык көмөлөһөөчүтэ Тимур Иванов.
Бу кэлэр ыйтан Саха Өрөспүүбүлүкэтин үрдүнэн осеменатордарга аналлаах күрэх ыытыллыахтаах. Онно бастаабыт осеменатор өрөспүүбүлүкэ чиэһин көмүскүү Арассыыйаҕа кытта барар. Онно Сунтаар бэлэмнэнэр.
