Кырдьаҕас Амма Солобуодата бэйэтин төрөөбүт күнүн үлэҕэ элбэх ситиһиилэрдэх бэлиэтээтэ.
Ол курдук сайын устата тупсаран оҥорууга үгүс үлэ ыытыллан бү күн саҥалыы бетонаммыт Курашов, Строд, ини-бии Лобановтар аттарынан уулуссаларыгар оҕо былаһааккатын, элбэх оҕолоох эдэр ыал уһаайбаларыгар саҥа подстанция үөрүүлээх аһыллыылара буолла. Онтон сынньалаҥ пааркатыгар Солобуода 364 сааһын бэлиэтиир тэрээһиннэр өрө көтөҕүллүүнэн аастылар.
Араас быыстапкалар, күрэхтэһиилэр үгүс киһини түмтүлэр. Сааскыттан ыла ыытыллыбыт «Экология эн олбуоргуттан саҕаланар» чааһынай ыалга, тэрилтэлэргэ, түөлбэлэргэ ыытыллыбыт күрэх кыайыылаахтара быһаарыллан харчынан сертификаттары туттулар.
Оҕо аймах пааркаҕа аһыллыбыт оонньуур былаһааккаҕа, араас дьиэ кыылларын быыстапкатыгар дуоһуйа сырытта, онтон олохтоохтор уонна ыалдьыттар кыһыҥҥыларыгар хаһаанан оҕуруот аһын хото атыыласта. Бу күн «Таинство церкви «, «Убранство жилья 19 века пашенных крестьян Амгинской Слободы» диэн быыстапкалар үлэлээтилэр.
Ону таһынан үтүөкэн үгэскэ кубулуйбут байдаарканан күрэхтэһии, баянистар күрэхтэрэ дьон-сэргэ болҕомтотун үөһүгэр буоллулар.
