Дьокуускайтан төрүттээх, Троицкай куорат оскуолатын үөрэнээччитэ Валерий Кузаков Россия-1 телеканаалга “Синяя птица” бырайыакка кытынна. Билигин кэлэр туурга киириэхтээх кыттааччылары быһаарар куоластааһын саҕаланна.
Саха сириттэн төрүттээх Валера Кузаковы “Россия-1” телеканаалга кулун тутар 25 күнүгэр көрдөрүөхтэрэ.
Бастакы туурга 9 саастаах музыкант Валерий Кузаков “Вдоль по Питерской” нуучча норуодунай ырыатын толорбута.
Куоластааһын бырайыак сайтыгар кулун тутар 25 күнүгэр саҕаламмыта уонна бу субуотаҕа Москва бириэмэтинэн 23:59 мүнүүтэҕэ түмүктэниэҕэ. Биир IP-тан биэс төгүл куоластыахха сөп.
Маны сэргэ кыттааччыны SMS көмөтүнэн өйүөххэ син. Биир нүөмэртэн нэдиэлэ устата 20–тэн итэҕэһэ суох 1075 кылгас нүөмэргэ “06” тиэкиһи ыытар наада.