Дьокуускай куораттааҕы 1 №-дээх Силиэстийэлиир изоляторга футболга аан дойду чемпионатыгар анаммыт мини-футболга күрэхтэһии буолла.
РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрбитинэн, күрэс былдьаһааччыларынан изолятор сотрудниктара уонна хаһаайыстыбаҕа үлэлиир хаайыылаахтар буоллулар.
Оттон ыҥырыылаах ыалдьыттарынан футбол эйгэтигэр биллэр дьон — спортивнай аналитик, «Заря» өрөспүүбүлүкэтээҕи мини-футбол кулуубун сүрүн тренерэ Олег Марченко, кини көмөлөһөөччүтэ Вадим Шпилевой буоллулар.
Күрэхтэһии саҕаланыытыгар Олег Марченко күүстээх хамаанда кыайарыгар баҕарда. Ол кэнниттэн мээчигинэн хайдах туттарга маастар-кылаас көрдөрдө.
Оттон кыайыылааҕынан хаайыылаахтар хамаандалара буолбут. Бары кыттааччыларга грамоталары уонна бэлэхтэри туттардылар. Ону таһынан, бастыҥ нападающайы, защитнигы уонна вратары анал бириистэринэн бэлиэтээтилэр.
Тэрээһин түмүгэр, ыалдьыттар манна хаайыллан олорор сокуоннай саастарын ситэ илик уорбаланааччылары, буруйданааччылары кытта көрсүһэн, футбол туһунан кэпсээтилэр.
Биһиги корр., «Саха сирэ» хаһыат, edersaas.ru
Хаартыскалар: РФ Накаастабылы толорор федеральнай сулууспатын Саха сиринээҕи управлениетын пресс-сулууспата
