Ахсынньы 28-30 күннэригэр Саха сирин илин эҥэр, киин, хотугулуу-илиҥҥи, соҕуруу өттүгэр уонна Өлүөнэ өрүс аллараа тардыытынан салгын температурата −50°С кыраадыстан аллараа түһэрэ күүтүллэр. Бу туһунан күн-дьыл туругун кэтээн көрөр сулууспата иһитиннэрэр.
«Өрөспүүбүлүкэ хотугулуу-илин, илин, соҕуруулуу-илин өттүгэр кыралаан хаардыаҕа. Киин улуустарга туманнаах буолуоҕа. Хотугулуу-арҕаа өттүгэр уонна Өлүөнэ өрүс аллараа тардыытынан сорох сиринэн тибии түһэрэ уонна сөкүүндэҕэ 9-14 миэтэрэ, ахсынньы 30 күнүгэр сөкүүндэҕэ 22 миэтэрэҕэ тиийэ түргэннээх соҕуруу өттүттэн тыаллаах буолара күүтүллэр», — диэн этиллэр.
Күн-дьыл туругун кэтээн көрөр сулууспата бэлиэтииринэн, ахсынньы 29 күнүгэр киин улуустарга салгын температурата түүнүн −43-48°С кыраадыс тымныы, хотугулуу-илин уонна соҕуруулуу-илин өттүгэр −50-52°С кыраадыс тымныы буолара сабаҕаланар. Ахсынньы 30 күнүгэр илин эҥэр улуустарыгар уонна Халымаҕа түүнүн −33-38°С кыраадыс, күнүһүн -40-45°С кыраадыс, соҕуруулуу-илин улуустарыгар -30-35°С кыраадыс, сорох сиринэн-25-30 °С кыраадыс тымныы буолара күүтүллэр.
