Саха сирин колледжтарыгар уонна техникумнарыгар 2021 үөрэх дьылыгар 10 саҥа идэни арыйыахтара. Ол туһунан үөрэх миниистирин бастакы солбуйааччыта Михаил Присяжнай соцситимнэргэ эттэ, суруйар СИА.


«10 саҥа идэ бу сылга арыллыаҕа. Бу, сүрүннээн, сир баайын хостооһуҥҥа буолуоҕа, бырамыысыланнас тэрилтэлэрин сакаастарынан. Исписэлиистэри бэлэмнээһини биһиги Соҕуруулуу-Саха сирин технологическай колледжыгар, Алдан политеҕар, Хаандыгатааҕы хайа-геология техникумугар арыйар былааннаахпыт. Мииринэйдээҕи колледж баазатыгар эмиэ саҥа идэлэр баар буолуохтара», — диэтэ Михаил Присяжный.

Билигин, кини эппитинэн, Саха сиригэр орто үөрэх сайдыытыгар саамай табыгастаах кэм. Сылын аайы орто үөрэх кыһаларыгар аныгы тэриллэрдээх мастарыскыайдар арыллаллар. Холобур, быйыл Саха сирин колледжтарыгар 28 саҥа мастарыскыай үлэтин саҕалыа.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.