29 Кулун тутар 29.03
  • -11°
  • $ 92,26
  • 99,71

Саха сирин күннэрэ Татарстаҥҥа бэс ыйыгар буолуохтара

12:01, 05 марта 2021
Текст:
Читайте нас на
Яндекс Новости
ЯДВ

Саха сирин бырабыыталыстыбатын бэрэссэдээтэлэ Андрей Тарасенко Татарстан Өрөспүүбүлүкэтин делегациятын кытта көрүстэ. Ыалдьыт бөлөҕү ТӨ премьер-миниистирин солбуйааччыта, татаардар бүтүн аан дойдутааҕы конгресстарын национальнай сэбиэттэрин бэрэссэдээтэлэ Василь Шайхразиев салайар. Өрүттэр Саха сирин күннэрин Татарстаҥҥа ыытыыны уонна Саха АССР төрүттэммитэ 100 сылыгар аналлаах тэрээһиннэр тустарынан кэпсэттилэр. Маны сэргэ Дьокуускай — Казань телемост ыытыахха сөбүн сүбэлэстилэр.


Татарстан делегацията Дьокуускайга Уһук Илин уокурукка татаардар уопсастыбаннай тэрилтэлэрин сэбиэтин көһө сылдьар мунньаҕын чэрчитинэн үлэлээтэ.

Василь Шайхразиев Саха сирин салалтатыгар истиҥ көрсүһүү иһин махтанна.

Андрей Тарасенко бэлиэтээбитинэн, регионнар икки ардыларыгар бииргэ үлэлээһин — сүрүн сорук. Татарстан оҥорон таһаарыыга, тыа хаһаайыстыбатыгар, предпринимательствоҕа уонна туризмҥа улахан уопуттаах. Саха сирэ инновационнай инфраструктураҕа, ыччат бэлиитикэтин бырайыактарыгар, бырамыысыланнаска кэпсиирэ элбэх.

2021 сыл бэс ыйыгар Казаньҥа «Татарстаҥҥа Саха сирин күннэрэ» тэрээһин ыытыллыаҕа. Икки регион онно тэҥинэн бэлэмнэнэр. Онно социальнай-экономическай сайдыыга бииргэ үлэлээһиҥҥэ докумуоҥҥа илии баттаныаҕа.

Өрүттэр 2022 сылга Саха АССР 100 сылыгар анаммыт дьаһаллар тустарынан кэпсэттилэр. Татарстан премьер-миниистирин солбуйааччыта бэлиэтээбитинэн, өрөспүүбүлүкэ ааспыт сылга эмиэ 100 сылын бэлиэтээбитэ, онно ылбыт уопутуттан үллэстэргэ бэлэм.

Андрей Тарасенко Muus uSTAR ыччат бэстибэлигэр кытталларыгар ыҥырда уонна Дьокуускай — Казань телемост оҥоһуллуон сөбүн эттэ.

Следите за самым важным и интересным в Telegram-канале и WhatsApp-группе ЯСИА