Саха сиригэр ыар уонна ураты ыар буруйу оҥоруу аҕыйаабыт

0
61

Буруйу оҥорууну эрдэттэн сэрэтиигэ ураты улахан болҕомто ууруллуоҕа. Ити туһунан Саха сирин борокуратууратын коллегиятын киэҥ ыҥырыылаах мунньаҕар эттилэр.


«Буруйу оҥорууну эрдэттэн сэрэтии тиийбэтэ борокуруордар бэрэбиэркэлэрин түмүгэр көһүннэ», — диэн өрөспүүбүлүкэ борокуруорун бастакы солбуйааччы Айдар Иванов эттэ.

Кини этэринэн, дьиэлэри халааһыҥҥа, уорууга, массыынаны күрэтиигэ, күһэйэн туран харчы былдьааһыҥҥа тахсар буруйдары арыйыы көрдөрүүтэ үрдээбит. 2016 сыл аҥаарын түмүгэр көстөрүнэн, буруйу оҥоруу 15%-нан үрдээбит. Ити регистрацияламмыт буруйдар. Ыар уонна ураты ыар буруйу оҥоруу көрдөрүүтэ 7,4% кыччаабыт.

Статистика дааннайынан, уопсастыбаннай сиргэ буруйу оҥоруу массыына уруулугар итирик туруктаах олорууттан төрүөттэнэр. 2015 сыл от ыйыттан ыла массыынаны итирик ыыта сылдьан хаттаан тутулуннахха, бу административнай буолбакка, холуобунай сокуону кэһии быһыытынан ылыныллар.

Саха сирин баһылыга Егор Борисов дьон олоҕор куттал суох буоларыгар эппиэтинэс муҥутуурдук улаатыахтааҕын эттэ. «Өрөспүүбүлүкэҕэ дьон олоҕо уһаата. Бу саамай сүрүн көрдөрүү. Өлүү ахсаана аҕыйаата, төрөөһүн элбээтэ. Быраабы кэһиигэ, дьон быраабын тутуһууга биллэн турар, ыарахаттар бааллар. Маныаха ураты болҕомто ууруллуохтаах», — диир кини.

Мунньах кэмигэр Саха сирин салалтата уонна борокуратуура уорганын үлэһиттэрэ буруйу эрдэттэн сэрэтиигэ ыытыллар үлэни торумнаатылар.

 

0
0

Хоруй суох

Хоруйдаа