Ыам ыйын 21 күнүнээҕи сарсыарда туругунан Саха сирин 11 оройуонугар халаан балаһыанньата уустук.
Кэбээйи оройуонугар быстах пууҥҥа 99 киһини көһөрдүлэр. Кальвицаҕа 67 тиэргэн ууга барда.
Ууттан маннык нэһилиэнньэлээх пууннар босхолоннулар: Амма, Чапчылҕан, Абаҕа, Мээндиги, Өнньүөс, Сатаҕай, Алтан. Ону тэҥэ Уус Маайаҕа Эдьээн, Элдьикээн уонна Күп.
Таатта оройуонугар уу Даайа Амматыттан, Харбалаахтан, Чымнаайыттан, Хара Алдантан барда. Чурапчы оройуонугар – Мырылаттан уонна Маралайтан. Хаҥаласка ууттан Хоточчу уонна Чкалов босхолоннулар.
Томпо, Уус Алдан уонна Нам оройуоннарын кэккэ сэлиэнньэлэригэр уу түһэн эрэрэ бэлиэтэнэр.
Артемий Грошев.
