Бүтүн Арассыыйатааҕы экономическай диктант Саха сиригэр алтынньы 4 күнүгэр ыытыллыаҕа. “Бүтүн Арассыыйатааҕы экономическай диктант” Бүтүн Арассыыйатааҕы үөрэтэр аахсыйа Арассыыйа Көҥүл экономическай уопсастыбатынан (ВЭО) тэриллибитэ. Аахсыйа дойду 83 регионугар 1200 былаһааккаҕа буолуоҕа.
Диктант сүрүн сыала – экономическай наукаҕа интэриэһи көбүтүү. Арассыыйа ВЭО вице-бэрэсидьиэнэ Дмитрий Сорокин салалтатынан методическай хамыыһыйа оҥорбут сүрүн боппуруостара аныгы Арассыыйа макро уонна микроэкономикатыгар, ону тэҥэ кирэдьиити ылыы уонна бааҥҥа кылааты арыйыы курдук дьиҥ олоххо күннэтэ көрсөр түгэннэргэ сыһыаннаахтар. Экономическай өйү-санааны уонна литератураны эмиэ таарыйыахтара.
Хоруйдар нэһилиэнньэ экономикаҕа төһө билиилээҕин быһаарыахтара.
Саха сиригэр аахсыйа 43 анал сиргэ ыытыллыаҕа.
