Саха сирин хоту өттүгэр 150 оскуоланы 2018 сыл бүтүүтэ түргэн интернетинэн хааччыйыахтара. Бу Норуоттар икки ардыларынааҕы Арктика оскуолатын дистанционнай үөрэхтээһинин биир кэлим тиһигин тэрийэргэ кыаҕы биэриэҕэ. Спутник тэрилин “Востоктелеком” хампаанньа босхо биэрдэ, диэн ТАСС-ка үөрэх тэрилтэтин бырайыактыыр офиһын дириэктэрэ Наталья Ситникова иһитиннэрдэ.
“Бүгүн бырайыакка 150 үөрэх тэрилтэтэ кыттыста. Спутник тэрилин оскуолаларга босхо биэрэбит. Биир оскуолаҕа БКЭ процедуратын боруобалаатыбыт”, — диэтэ кини.
Спутнигынан интернет учууталларга видеоконференциялары ыытарга, үөрэнээччилэри үөрэтэргэ көмөлөһүөҕэ.
СИА.
Андрей Сорокин хаартыската.
