Саха сиригэр болдьоҕун иннинэ куоластааһын салҕанар. Балаҕан ыйын 6 күнүнээҕи туругунан 4042 киһи куоластаата. Бу туһунан СИА-ҕа өрөспүүбүлүкэ Киин быыбардыыр хамыыһыйата иһитиннэрдэ.
Санатан эттэххэ, тэйиччи сытар нэһилиэнньэлээх пууннар олохтоохторо, табаһыттар, көмүс хостооччулар, балыксыттар уо.д.а. куоластыыллар. Быыбардааччыларга тиийэр туһугар сиринэн айанныыр уонна авиация тырааныспарын туһаналлар. Быыбардыыр хамыыһыйалар үлэһиттэрэ тыһыынчаттан тахса быыбардааччыга сөмөлүөтүнэн уонна бөртөлүөтүнэн айанныыллар.
Эрдэ куоластааһын атырдьах ыйын 19 күнүттэн саҕаламмыта, Саха сирин 27 оройуонугар 4 тыһыынчаттан тахса киһи куоластыахтаах.
