Саха сирин волонтердарын хамсааһына Россия атын регионнарыгар холобур буолуон сөп. Бу туһунан СӨ профессиональнай үөрэхтээһин Россия спорка министиэристибэтэ кыттыылаах мунньаҕар этилиннэ.


«Билигин үөрэх тэрилтэлэрин иһинэн спортивнай кулууптар тиһиктэрин тэрийиигэ үлэ барар. Туһааннаах министиэристибэлэри кытта бииргэ үлэлээһин олус суолталаах. Биһиги атлеттарбыт универсиадаҕа ситиһиилээхтик кыттыбыттара бу көрдөрүү», — диэн спортивнай саппааһы бэлэмниир федеральнай киин үрдүкү инструктор-методиһа Елена Сандакова бэлиэтээһиннэри оҥордо.

Кини этэринэн, Саха сирэ волонтердары сүүмэрдээһиҥҥэ уонна бэлэмнээһиҥҥэ биллэр уопутурда.

«Өрөспүүбүлүкэ Сибиир уонна Уһук Илиҥҥи федеральнай уокуруктарга волонтердары бэлэмнээһиҥҥэ былаһаакка буолуон сөп. «Азия оҕолоро» Оонньуу кэмигэр баҕалаахтарынан элбэх үлэ оҥоһулунна. Ыаллыы субъектар Саха сириттэн холобур ылыахтарын сөп», — диэтэ Сандакова.

Регион профүөрэхтээһиҥҥэ миниистирэ Михаил Присяжный өрөспүүбүлүкэ толоруулаах былааһын уоргана уонна спортивнай саппааһы бэлэмнээһин киинэ бииргэ үлэлииллэрин суолтатыгар болҕомтону хатаата. «Биһиги биир сыаллаахпыт — дойдуга маассабай спорт хамсааһынын тэрийии. Бу боппуроус боччумнаах үөрэтиини, ырытыыны эрэйэр. Тоҕо диэтэххэ, сорох түгэннэри өйдөөбөттөр», — диэтэ кини.

Мунньах түмүгүнэн хас да быһаарыы ылылынна. Ол иһигэр Саха сирэ спортивнай оборудованиены саҥардыыга федеральнай бырагыраамаҕа кыттыан сөптөөҕө этилиннэ. Итини сэргэ эксперимент быһыытынан WorldSkills-ка волонтердары бэлэмниир тренердэргэ  стандарт киллэриитигэр этии оҥоһулунна.

0
0
comments powered by HyperComments