Уһук Илин 8 региона эбии 175 мөл солкуобайы медицинскэй тэрилтэлэргэ иһитиннэрэр тиһиги киллэриигэ ылыаҕа. Үп Саппаас фондаттан бэриллиэҕэ. Саха сирэ 30 мөл солкуобайы ылыаҕа.
Премьер-миниистир Дмитрий Медведев Россия бырабыыталыстыбатын мунньаҕар иһитиннэрбитин курдук, эбии 2 млрд солкуобай кээмэйдээх үбү биэрэр туһунан дьаһалга илии баттанна.
“Бу бүддьүөттэр икки ардыларынааҕы трансферт 75 региоҥҥа барыаҕа. Үлэ электроннай доруобуйа харыстабылын чэрчитинэн ыытыллар. Бастакы көмөнү оҥорор эмп тэрилтэлэрэ электроннай докумуоҥҥа киирэллэрин курдук”, — диэтэ премьер-миниистир.
Уһук Илиҥҥэ 9 регионтан аҕыһа ылыаҕа. Саха сиригэр 30 мөл солкуобайы биэриэхтэрэ.
Дмитрий Медведев этэринэн, медицинскэй көмө оҥоһулларын туһунан сибидиэнньэ регионнааҕы тиһиккэ эрэ буолбакка, Биир кэлим судаарыстыбаннай тиһиккэ киллэриллиэҕэ.
СИА.
