Үгэс буолбут форумҥа Дьокуускай куорат уонна өрөспүүбүлүкэ улуустарын үлэлиир ыччаттарыттан профсоюз 100-чэ актыбыыһа кыттыаҕа.
Дьокуускай к. таһыгар «Ил Эйгэ» диэн кэрэ айылҕалаах сиргэ ыытыллар форум чэрчитинэн ыытыллар маастар-кылаастарга, семинардарга профсоюз үлэтин уратытын кэпсиэхтэрэ. Манна ылбыт билиилэринэн хамаандалар сүрүн сорудаҕы – видео-ырайыактары көмүскүөхтэрэ. Ону таһынан быйылгы форум биир уратытынан биирдиилээн бырайыактар буолуохтара. Ол эбэтэр баҕалаахтар профсоюз үлэтин хайысхаларынан бырайыактары бэлэмниэхтэрин сөп. Ол түмүгүнэн бастыҥ хамаандалар уонна уонча актыбыынай кыттааччы быһаарыллыахтара.
Маастар кылаастары уонна трениннэри ыытарга Москваттан коуч, психолог Михаил Некрасов ыҥырылынна.
От ыйын 7 күнүгэр дьоҕус футболга чемпионат ыытыллыаҕа. Бу күн футболга Арассыыйа-Хорватия оонньуутун көрөргө анал фан-зона тэриллэрэ былааннанар.
Надежда ЕГОРОВА, «Саха сирэ» хаһыат, edersaas.ru
